ບົດວິໄຈ ເຊິ່ງສະແດງພາບລວມກ່ຽວກັບປະກົດການຄ້າເດັກສະບັບນີ້ ມີການໄຈ້ແຍກປັດໄຈ ແລະ ສາເຫດທີ່ສຳຄັນຂອງການຄ້າມະນຸດ. ມີການຊີ້ແຈງກ່ຽວກັບຊ່ອງທາງ ແລະ ວິທີການໃນການຄ້າມະນຸດ, ແລະ ຜູ້ທີ່ກ່ຽວຂ້ອງໂດຍກົງ ແລະ ຜູ້ສົມຮູ້ຮ່ວມຄິດໃນອາດຊະຍາກຳການຄ້າເດັກ. ນອກນີ້ຍັງມີການລວບລວມປະສົບການຂອງເດັກນ້ອຍທີ່ຕົກເປັນເຫຍື່ອ ແລະ ຄອບຄົວຂອງເຂົາເຈົ້າ ທີ່ຊີວິດມີການປ່ຽນແປງຢ່າງຂາດຂັ້ນ ຍ້ອນການຄ້າມະນຸດ. ບົດຄົ້ນຄວ້ານີ້ຫວັງວ່າ ການແລກປ່ຽນປະສົບການກ່ຽວກັບການຄ້າມະນຸດ ແລະ ຜົນກະທົບຂອງມັນຕໍ່ເດັກນ້ອຍລາວ, ຄອບຄົວຂອງເຂົາເຈົ້າ ແລະ ສັງຄົມ, ຈະຊ່ວຍເສີມຂະຫຍາຍການດຳເນີນການ ເພື່ອນແກ້ໄຂບັນຫາຈາກສາເຫດຕົ້ນຕໍ ແລະ ສະກັດກັ້ນການສວຍໃຊ້ປະໂຫຍດ ແລະ ການທາລຸນນະກຳຕໍ່ເດັກໃນອະນາຄົດ.