ບົດລາຍງານກ່ຽວກັບພະຍາດໄຂ້ປ່າໂລກນີ້ ເຊິ່ງມີການເຜີຍແຜ່ໃນແຕ່ລະປີ ໃຫ້ຂໍ້ມູນ ແລະ ທ່າອ່ຽງຫຼ້າສຸດທີ່ເລິກເຊິ່ງ ກ່ຽວກັບພະຍາດໄຂ້ປ່າໃນໂລກ ແລະ ພາກພື້ນ. ບົດລາຍງານສະບັບນີ້ ເຜີຍແຜ່ໃນວັນທີ 19 ພະຈິກ 2018, ຕິດຕາມການລົງທຶນໃນໂຄງການ ແລະ ການຄົ້ນຄວ້າ ກ່ຽວກັບພະຍາດໄຂ້ປ່າ ກໍຄືຄວາມຄືບໜ້າໃນທຸກໆຂົງເຂດການແຊກແຊງຄື: ການສະກັດກັ້ນ, ການບົ່ງມະຕິ, ການປິ່ນປົວ ແລະ ການເຝົ້າລະວັງ. ນອກນີ້ ຍັງລວມມີພາກສະເພາະ ກ່ຽວກັບການລຶບລ້າງພະຍາດໄຂ້ປ່າ ແລະ ຄວາມສ່ຽງຕົ້ນຕໍໃນການຕໍ່ສູ້ຕ້ານພະຍາດໄຂ້ປ່າ. ບົດລາຍງານສະບັບນີ້ ແມ່ນອີງໃສ່ຂໍ້ມູນ ຈາກໂຄງການຄວບຄຸມພະຍາດໄຂ້ປ່າແຫ່ງຊາດ ແລະ ບັນດາຄູ່ຮ່ວມພັດທະນາ ໃນປະເທດທີ່ມີການລະບາດ; ຂໍ້ມູນສ່ວນໃຫຍ່ແມ່ນມາຈາກຂໍ້ມູນປີ 2017.