ການປະເມີນຄວາມສ່ຽງດ້ານການສະພາບດິນຟ້າອາກາດຢູ່ແຂວງອັດຕະປື, ສ ປ ປ ລາວ

ບົດລາຍງານນີ້ແມ່ນການສຶກສາເພື່ອປະເມີນຄວາມທຸກຍາກຂອງຄົວເຮືອນ ແລະ ຊຸມຊົນທີ່ເກີດຈາກໄພນໍ້າຖ້ວມຢູ່ແຂວງອັດຕະປື, ສ ປ ປ ລາວ ເຊິ່ງການສຶກສານີ້ແມ່ນຫນຶ່ງໃນສາມໃນການປະເມີນຜົນກະທົບທີ່ອາດເກີດຈາກການປ່ຽນແປງດິນຟ້າອາກາດໃນຊຸມຊົນເຂດດິນບໍລິເວນນ້ຳ ແລະ ການດໍາລົງຊີວິດໃນລາວ, ກໍາປູເຈຍ ແລະ ໄທ ໂດຍມີຈຸດປະສົງຫຼັກຄື 1) ເພື່ອບັນທຶກຄວາມຖີ່ ແລະ ຄວາມຮຸນແຮງຂອງນ້ຳຖ້ວມ ແລະ ບັນທຶກການປ່ຽນແປງໃນຮູບແບບດັ່ງກ່າວ 2) ເພື່ອກໍານົດຜົນກະທົບຂອງໄພນ້ໍາຖ້ວມຕໍ່ຊີວິດການເປັນຢູ່ໃນຊົນນະບົດ 3) ເພື່ອກໍານົດຍຸດທະສາດການແກ້ໄຂບັນຫາໃນທ້ອງຖິ່ນ ແລະ 4) ເພື່ອພິຈາລະນາກົນລະຍຸດການແກ້ໄຂບັນຫາໃນປັດຈຸບັນພາຍໃຕ້ການປ່ຽນແປງສະພາບອາກາດ.