ຊາຕົມນ້ຳຂອງລາວແມ່ນປູກ ແລະ ເກັບໂດຍຊາວກະສິກອນຂະໜາດນ້ອຍ. ສະນັ້ນ ມັນຈຶ່ງມີທ່າແຮງທີ່ເຂັມແຂງ ເພື່ອປະກອບສ່ວນໃນການຫຼຸດຜ່ອນຄວາມທຸກຍາກ ແລະ ການພັດທະນາຊົນນະບົດ. ເຖິງຈະມີພື້ນທີ່ການຜະລິດຂະໜາດໃຫຍ່, ປະລິມານຊາຕົ້ມນ້ຳທີ່ຜະລິດ ແລະ ສົ່ງອອກຂອງລາວ ແມ່ນມີໜ້ອຍ. ລາວສາມາດສ້າງປະໂຫຍດຈາກເງື່ອນໄຂການຜະລິດທີ່ເອື້ອອຳນວຍ, ຄວາມຫຼາກຫຼາຍທີ່ເປັນເອກະລັກ ແລະ ວິທີການຜະລິດແບບພື້ນເມືອງ ເພື່ອພັດທະນາຂະແໜງການຜະລິດ ຊາຕົ້ມນ້ຳທີ່ມີຄຸນນະພາບສູງ. ບັນຫາທີ່ກົດດັນທີ່ສຸດ ແມ່ນການປັບປຸງຄຸນນະພາບ ທັງພາບໃນສວນຊາ ແລະ ໃນຂັ້ນຕອນການຜະລິດຕໍ່ມາ (ການເກັບກ່ຽວ, ການປຸງແຕ່ງ). ເຖິງຢ່າງໃດກໍຕາມ ສິ່ງສຳຄັນທີ່ຄວນຄຳນຶງກໍຄື ການຍົກລະດັບຄວາມສາມາດຂອງຊາວກະສິກອນ ຈະປະສົບຜົນສຳເລັດກໍຕໍ່ເມື່ອ ມີການຈັດຕັ້ງຕ່ອງໂສ້ຄຸນຄ່າ ທີ່ຊາວກະສິກອນ ສາມາດໄດ້ຮັບປະໂຫຍດຈາກຄວາມພະຍາຍາມຂອງຕົນ ໃນການປັບປຸງຄຸນນະພາບການຜະລິດ. ຍຸດທະສາດຂອງຂະແໜງການຜະລິດຊາທີ່ຍືນຍົງ ແລະ ເລິກເຊິ່ງ ແນໃສ່ຍົກລະດັບ ຊີວິດການເປັນຢູ່ ແລະ ຜົນປະໂຫຍດຂອງຊາວກະສິກອນຂະໜາດນ້ອຍ, ການກໍ່ສ້າງ ແລະ ການຍົກລະດັບສິ່ງອຳນວຍຄວາມສະດວກໃນການປຸງແຕ່ງໃນທ້ອງຖິ່ນ ແລະ ການຂະຫຍາຍຕະຫຼາດ ຄວນໄດ້ຮັບການກຳນົດຢ່າງທົ່ວເຖິງ.