ບົດລາຍງານນີ້ແມ່ນບົດວິໃຈກ່ຽວກັບແຜນພັດທະນາເຂດເສດຖະກິດພິເສດໃນພື້ນທີ່ຊາຍແດນ ກໍລະນີສຶກສາຢູ່ແຂວງສະຫວັນນະເຂດ. ບົດວິໄຈນີ້ຄົ້ນຄວ້າແຜນການໃນການຈັດຕັ້ງເຂດເສດຖະກິດພິເສດ (SEZ) ຢູ່ແຂວງສະຫວັນນະເຂດ ລຽບຕາມເສັ້ນທາງເລກ 9 ລະຫວ່າງຂົວມິດຕະພາບໃໝ່ກັບຈຸດເຊື່ອມຕໍ່ກັບເສັ້ນທາງແຫ່ງຊາດເລກທີ 13. SEZ ແມ່ນມີໜ້າທີ່ການນຳໃຊ້ຫຼາຍຢ່າງເຊັ່ນ: ການຂົນສົ່ງ ແລະ ການບໍລິການທີ່ກ່ຽວຂ້ອງກັບການຂົນສົ່ງ, ການສົ່ງອອກສິນຄ້າ, ຕະຫຼາດ ແລະ ການຄ້າເສລີ, ການທ່ອງທ່ຽວ ແລະ ອຸດສາຫະກຳການບໍລິການອື່ນໆ. SEZ ລັກສະນະນີ້ຈະປະກອບສ່ວນໃຫຍ່ຫຼວງໃນການພັດທະນາເສດຖະກິດ ແລະ ສັງຄົມຂອງແຂວງສະຫວັນນະເຂດ ແລະ ຂອງປະເທດລາວ, ແລະ ເພື່ອສົ່ງເສີມຜົນດ້ານເສດຖະກິດໃນແນວພື້ນທີ່ເສດຖະກິດຕາເວັນອອກ-ຕາເວັນຕົກ ເຊິ່ງຢູ່ພາຍການຮ່ວມມືຂອງລັດຖະບານຍີ່ປຸ່ນ. ບົດວິໄຈດັ່ງກ່າວແນໃສ່ຊຸກຍູ້ລັດຖະບານລາວໃນການຈັດຕັ້ງປະຕິບັດເຂດເສດຖະກິດພິເສດດັ່ງກ່າວ ໂດຍປະສານສົມທົບກັບໂຄງການແນວພື້ນທີ່ຕາເວັນອອກ-ຕາເວັນຕົກ.