ການສົ່ງເສີມສຸຂະພາບຜ່ານວິທີການນຳໃຊ້ພະລັງງານທີ່ສະອາດຂຶ້ນ. ມົນລະພິດທາງອາກາດໃນຄົວເຮືອນໃນ ສປປ ລາວ ຈາກການນຳໃຊ້ເຕົາຖ່ານ ແມ່ນຄວາມສ່ຽງຕໍ່ສຸຂະພາບອັນດັບຕົ້ນໆ, ເຊິ່ງກວມເອົາປະມານ 3.5 ສ່ວນຮ້ອຍຂອງ GDP ໃນການສູນເສຍດ້ານຜະລິດຕະພາບ. ເພື່ອເສີມຂະຫຍາຍການເຂົ້າເຖິງວິທີການຄົວກິນ ແລະ ສ້າງຄວາມຮ້ອນແບບທັນສະໄໝ ໃນອາຊີຕາເວັນອອກ, ທະນາຄານໂລກ ໄດ້ນຳສະເໜີການລິເລີ່ມການນຳໃຊ້ເຕົາໄຟສະອາດ ໃນປີ 2012. ໂຄງການທົດລອງໄດ້ດຳເນີນ ຢູ່ໃນປະເທດຈີນ, ອິນໂດເນເຊຍ ແລະ ມົງໂກເລຍ, ກໍຄືຢູ່ ສປປ ລາວ. ໜຶ່ງໃນສິ່ງທ້າທາຍເບື້ອງຕົ້ນ ກໍຄືການເຕົ້າໂຮມບັນດາກະຊວງ ແລະ ຜູ້ມີສ່ວນຮ່ວມທີ່ກ່ຽວຂ້ອງ ເພື່ອຊ່ວຍສ້າງຄວາມຮັບຮູ້ກ່ຽວກັບຄວາມເລັ່ງດ່ວນຂອງບັນຫາດັ່ງກ່າວ ແລະ ຂະໜາດຂອງບັນຫາສຸຂະພາບທີ່ເກີດຈາກມົນລະພິດທາງອາກາດ. ອີກອັນໜຶ່ງ ກໍຄືການເຊື່ອມໂຍງບັນຫາສຸຂະພາບ ກັບຄວາມຈຳເປັນໃນການນຳໃຊ້ພະລັງງານທີ່ສະອາດ.