ປະຫວັດການພິຈາລະນາ ທາງສິ່ງແວດລ້ອມ ແລະ ສັງຄົມ ໃນ ສປປ ລາວ

ໃນປີ 2010, ອົງການຮ່ວມມືສາກົນແຫ່ງປະເທດຍີ່ປຸ່ນ (JICA) ໄດ້ຖະແຫຼງແນວທາງໃໝ່ຂອງ JICA ເພື່ອການພິຈາລະນາທາງສິ່ງແວດລ້ອມ ແລະ ສັງຄົມ. ແນວທາງດັ່ງກ່າວ ສະເໜີຈຸດປະສົງ ແລະ ເປົ້າໝາຍຂອງ JICA ກ່ຽວກັບການພິຈາລະນາທາງສິ່ງແວດລ້ອມ ແລະ ສັງຄົມ. ແນວທາງດັ່ງກ່າວ ມີການສະເໜີຈຸດທີ່ສຳຄັນຕ່າງໆ ເຊັ່ນ ການເສີມຂະຫຍາຍ ຄວາມຕ້ອງການໃນການຍ້າຍພູມລຳເນົາ, ການພິຈາລະນາສຳລັບຊົນເຜົ່ານ້ອຍ, ແລະ ການເປີດເຜີຍຂໍ້ມູນ. ຕາມນະໂຍບາຍການຊ່ວຍເຫຼືອຂອງອົງການ JICA, ການຊ່ວຍເຫຼືອທາງການ ເພື່ອການພັດທະນາໃນ ສປປ ລາວ ຄວນຈະສົ່ງເສີມການພັດທະນາເສດຖະກິດ-ສັງຄົມ ແລະ ຫຼຸດຊ່ອງວ່າງໃນການພັດທະນາ ທຽບກັບປະເທດອື່ນໃນພາກພື້ນ ຜ່ານບັນດາໂຄງການ ໃນຂະແໜງການຕ່າງໆເຊັ່ນ ພື້ນຖານໂຄງລ່າງເສດຖະກິດ ແລະ ສັງຄົມ, ກະສິກຳ, ການອະນຸລັກປ່າໄມ້, ແລະ ການບໍລິການສາທາລະນະສຸກ. ເພື່ອຮັບປະກັນວ່າໂຄງການເຫຼົ່ານີ້ ເດີນຕາມແນວທາງຂອງ JICA ແລະ ລະບຽບກົດໝາຍພາຍໃນປະເທດ ຈຶ່ງໄດ້ມີການກະກຽມ ບົດລາຍງານປະຫວັດການພິຈາລະນາ ທາງສິ່ງແວດລ້ອມ ແລະ ສັງຄົມ ໃນ ສປປ ລາວ ສະບັບນີ້ຂຶ້ນ. ເພື່ອໃຊ້ເປັນແຫຼ່ງຂໍ້ມູນທີ່ສາມາດນຳໃຊ້ ໃນການສັງລວມການພິຈາລະນາ ທາງສິ່ງແວດລ້ອມ ແລະ ສັງຄົມ ໃນການອອກແບບໂຄງການໃນ ສປປ ລາວ ໃນອະນາຄົດ.