ສປປ ລາວ ໄດ້ຮັບຜົນກະທົບຢ່າງໜັກຈາກໄພນ້ຳຖ້ວມ ໃນລະຫວ່າງເດືອນກໍລະກົດ ແລະ ເດືອນກັນຍາ 2018. ໃນວັນທີ 18-19 ກໍລະກົດ, ພະຍຸລະດູຮ້ອນສົນ-ຕິນ ໄດ້ເຮັດໃຫ້ເກີດ ຝົນຕົກໜັກ ແລະ ນ້ຳຖ້ວມໃນ 55 ເມືອງຢູ່ໃນ 13 ແຂວງທົ່ວປະເທດ. ໃນຕອນກາງຄືນຂອງວັນທີ 23-24 ກໍລະກົດ ໜຶ່ງໃນສັນເຂື່ອນຂອງເຂື່ອນໄຟຟ້າເຊປຽນ-ເຊນ້ຳນ້ອຍ ໄດ້ແຕກພັງລົງ ເຮັດໃຫ້ນ້ຳໄຫຼຖ້ວມຢ່າງໄວວາ ຢູ່ແຂວງອັດຕະປື. ແລະ ໃນວັນທີ 16-18 ສິງຫາ, ພະຍຸລະດູຮ້ອນເບບິນກາ ໄດ້ສົ່ງຜົນກະທົບຕໍ່ພາກເໜືອຂອງ ສປປ ລາວ. ການປະເມີນຄວາມຕ້ອງການຫຼັງໄພພິບັດ (PDNA) ໃນຄັ້ງນີ້ ປະເມີນຄ່າຄວາມເສຍຫາຍລວມຈາກໄພນ້ຳຖ້ວມຕໍ່ເສດຖະກິດ ແມ່ນ 3,166.99 ຕື້ກີບ, ຫຼືປະມານ US$371.5 ລ້ານໂດລາ (ຕາມຕາຕະລາງ 1). ໃນນັ້ນ ຄິດເປັນມູນຄ່າຄວາມເສຍຫາຍ 1,253.10 ຕື້ກີບ, ແລະ ມູນຄ່າການສູນເສຍທັງໝົດ 1,914.02 ຕື້ກີບ.