ແຜນແມ່ບົດວ້າດ້ວຍການຄວບຄຸມຢາເສບຕິດແຫ່ງຊາດ ສະເໜີກ່ຽວກັບການເພີ່ມຂື້ນ ແລະ ແຜ່ກະຈາຍຂອງການຜະລິດ, ການຄ້າ, ການນຳໃຊ້ ກໍ່ຄືອາດຊະຍາກຳ ທີ່ກ່ຽວຂ້ອງກ່ຽວກັບຢາເສບຕິດ ໃນ ສປປ ລາວ. ແຜນແມ່ບົດນີ້ ຕອບສະໜອງຕໍ່ກັບຄວາມສ່ຽງທີ່ເພີ່ມສູງຂຶ້ນ ຂອງກິດຈະກຳເຫຼົ່ານີ້ ທີ່ມີຕໍ່ຄວາມເປັນລະບຽບຮຽບຮ້ອຍຂອງສັງຄົມ ແລະ ຄວາມໝັ້ນຄົງຂອງປະເທດຊາດ ໂດຍຜ່ານຍຸດທະສາດອັນເລິກເຊິ່ງ. ແຜນແມ່ບົດໃໝ່ນີ້ ຈະອຳນວຍຄວາມສະດວກໃຫ້ແກ່ການຈັດຕັ້ງປະຕິບັດກົດໝາຍວ່າດ້ວຍຢາເສບຕິດ ທີ່ຜ່ານການຮັບຮອງໂດຍສະພາແຫ່ງຊາດ ໃນວັນທີ 25ຕຸລາ 2007 ແລະ ຜ່ານປະກາດໃຊ້ໂດຍທ່ານປະທານປະເທດໃນວັນທີ 14 ມັງກອນ 2008. ຄະນະກຳມະການຄຸ້ມຄອງ ແລະ ກວດກາ ຢາເສບຕິດແຫ່ງຊາດ ພາຍໃຕ້ຄຳສັ່ງຕາມກົດໝາຍສະບັບດັ່ງກ່າວນີ້ ຈະເປັນຜູ້ປະສານງານໃນການຈັດຕັ້ງປະຕິບັດແຜນແມ່ບົດນີ້.