ການສຳຫຼວດຕົວຊີ້ວັດທາງສັງຄົມຂອງລາວ II (LSIS II) ໄດ້ມີການດຳເນີນໃນປີ 2017 ໂດຍສູນສະຖິຕິແຫ່ງຊາດ ຮ່ວມກັບກະຊວງສາທາລະນະສຸກ ແລະ ກະຊວງສຶກສາທິການ ແລະ ກິລາ, ເຊິ່ງເປັນສ່ວນໜຶ່ງຂອງໂຄງການສຳຫຼວດຊຸດຕົວຊີ້ວັດລວມທົ່ວໂລກ (MICS). ການສະໜັບສະໜູນທາງດ້ານວິຊາການ ແມ່ນມາຈາກອົງການກອງທຶນເດັກ ສະຫະປະຊາຊາດ (UNICEF), ພາຍໃຕ້ທຶນຂອງລັດຖະບານ ແລະ ການຊ່ວຍເຫຼືອດ້ານການເງິນຈາກອົງການກອງທຶນປະຊາກອນ ສະຫະປະຊາຊາດ (UNFPA), ສະຫະພາບຢູໂຣບ (EU), ລັັດຖະບານລຸກຊຳບວກ, ອົງການພັດທະນາສາກົນສະຫະລັດ (USAID), ອົງການຮ່ວມມືເພື່ອການພັດທະນາສະວິດ (SDC), ອົງການອາຫານໂລກ (WFP), ແລະ ອົງການສະຫະປະຊາຊາດເພື່ອການພັດທະນາ (UNDP), ອົງການອະນາໄມໂລກ (WHO) ແລະ ອົງການຮ່ວມມືສາກົນປະເທດຍີ່ປຸ່ນ (JICA). USAID ເປັນຜູ້ສະໜັບສະໜູນດ້ານວິຊາການ ສຳລັບການເກັບກຳ ແລະ ວິເຄາະຂໍ້ມູນ ກ່ຽວກັບພາວະເລືອດຈາງ.