ການຂະຫຍາຍຕົວທາງດ້ານເສດຖະກິດຂອງ ສປປ ລາວ ຄາດວ່າຈະຢູ່ໃນລະດັບ 6.5 ສ່ວນຮ້ອຍໃນປີ 2019, ເພີ່ມຂຶ້ນຈາກ 6.3 ສ່ວນຮ້ອຍໃນປີ 2018. ການຂະຫຍາຍຕົວດັ່ງກ່າວ ຄາດວ່າຈະມາຈາກຂະແໜງການກໍ່ສ້າງ ພາຍໃຕ້ການລົງທຶນ ໃນໂຄງການກໍ່ສ້າງພື້ນຖານໂຄງລ່າງຂະໜາດໃຫຍ່, ແລະ ການຂະຫຍາຍຕົວຂອງຂະແໜງການບໍລິການ, ເຊິ່ງເປັນຜົນ ມາຈາກການເຕີບໂຕດ້ານການຄ້າສົ່ງ ແລະ ຄ້າຍ່ອຍ. ລັດຖະບານກໍຍັງຄົງສືບຕໍ່ສ້າງຄວາມໝັ້ນຄົງທາງດ້ານງບປະມານ ເພື່ອຈັດການກັບໜີ້ສິນພາກລັດ ໃນໄລຍະກາງ ໂດຍການຈຳກັດ ການໃຊ້ຈ່າຍພາກລັດ ແລະ ການປັບປຸງການຄຸ້ມຄອງລາຍຮັບ. ພາບລວມໄລຍະກາງ ກໍມີຄວາມເປັນໄປໄດ້ໂດຍລວມ, ແຕ່ກໍຂຶ້ນກັບການຫຼຸດຄວາມສ່ຽງຈາກຄວາມບໍ່ແນ່ນອນ ທີ່ເພີ່ມສູງຂຶ້ນກ່ຽວກັບສະພາບພາຍໃນ ແລະ ທົ່ວໂລກ. ຄູ່ຄ້າທີ່ຍາວນານ ແລະ ການກະຈາຍສູ່ເສດຖະກິດພາຍໃນ ຜ່ານການຄ້າ ແລະ ການລົງທຶນທີ່ຫຼຸດລົງ, ເຮັດໃຫ້ລາຄາສິນຄ້າສົ່ງອອກ ຫຼຸດລົງ . ອຳນາດການປົກຄອງ ອາດປະສົບຄວາມຫຍຸ້ງຍາກ ໃນການແກ້ໄຂບັນຫາເສດຖະກິດດັ່ງກ່າວ ເຮັດໃຫ້ຄັງສຳຮອງເງິນຕາຕ່າງປະເທດຫຼຸດຕ່ຳລົງ ແລະ ໜີ້ສິນພາຍນອກ ຂອງລັດເພີ່ມສູງຂຶ້ນ. ດັ່ງນັ້ນ ບູລິມະສິດກໍຄືການສ້າງພື້ນຖານງົບປະມານ ຜ່ານການປັບປຸງນະໂຍບາຍ ແລະ ການຄຸ້ມຄອງອາກອນ ກໍຄືການສ້າງຄັງສຳຮອງກັນຊົນ ເພື່ອຮັບມືກັບບັນຫາດັ່ງກ່າວ. ນອກຈາກນີ້ ການປັບປຸງສະພາບແວດລ້ອມໃນການດຳເນີນທຸລະກິດ ແລະ ການພິກປີ້ນການຫຼຸດອັນດັບໂລກ ໃນດ້ານຄວາມສະດວກ ໃນການດຳເນີນທຸລະກິດ, ໂດຍສະເພາະແມ່ນທຸລະກິດຂະໜາດນ້ອຍ ແລະ ຂະໜາດກາງ ອາດມີສ່ວນ ໃນການເສີມຂະຫຍາຍສະຖຽນລະພາບດ້ານເສດຖະກິດມະຫາພາກ, ການສ້າງວຽກເຮັດງານທຳ ແລະ ການຫຼຸດຜ່ອນຄວາມທຸກຍາກ.