ຜົນກະທົບຂອງດິນເຈື່ອນຕໍ່ເຄືອຂ່າຍເສັ້ນທາງແຫ່ງຊາດໃນລາວ ຖືວ່າມີໜ້ອຍທຽບກັບປະເທດອື່ນໆໃນທະວີບເອເຊຍ. ດິນເຈື່ອນສ່ວນໃຫຍ່ທີ່ສົ່ງຜົນຕໍ່ເຄືອນຂ່າຍເສັ້ນທາງແຫ່ງຊາດ ມີລັກສະນະຕື້ນ ແລະ ເປັນພູເຈື່ອນໃນທ້ອງຖິ່ນໃນທາງຕັດຄ້ອຍ. ເຖິງແນວນັ້ນກໍຕາມ, ພູເຈື່ອນທີ່ເກີດຂຶ້ນຢູ່ຕອນລຸ່ມຂອງຄ້ອຍ ມັກເກີດຂຶ້ນຫຼາຍ ແລະ ເຮັດໃຫ້ຂອບທາງສູງຂຶ້ນ ແລະ ເຮັດໃຫ້ເກີດດິນເຈື່ອນຢູ່ທາງທີ່ຢູ່ຕິດກັນ. ການຕີລາຄາດ້ານເສດຖະກິດ ທີ່ຄົ້ນຄວ້ານີ້ ຊີ້ໃຫ້ເຫັນວ່າ ຜົນປະໂຫຍດທາງວິສະວະກຳ ທີ່ເກີດຂຶ້ນຈາກການເພີ່ມການລົງທຶນ ໃນການຄຸ້ມຄອງທາງຄ້ອຍຢ່າງຈິງຈັງ ແມ່ນມີໜ້ອຍ. ເຖິງຢ່າງໃດກໍດີ, ສຳລັບການຕັດທາງໃນເຄືອຂ້າຍເສັ້ນທາງທີ່ມີໄພດິນເຈື່ອນຫຼາຍ, ການລົງທຶນໃນການຄຸ້ມຄອງທາງຄ້ອຍຢ່າງຈິງຈັງ ອາດມີປະໂຫຍດ ໃນແງ່ຂອງຜົນຕອບແທນທາງວິສະວະກຳຮ່ວມໃນການລົງທຶນ (ຫຼຸດຜ່ອນຕົ້ນທຶນດ້ານການປະຕິບັດການ ແລະ ການບຳລຸງຮັກສາ) ແລະ ຫຼຸດຜ່ອນຕົ້ນທຶນກ່ຽວກັບຄວາມຊັກຊ້າໃນການຈໍລະຈອນ.