ນັບແຕ່ຕົ້ນຊຸມປີ 2000, ລັດຖະບານລາວໄດ້ເພີ່ມທະວີ ຈຳນວນການສຳປະທານທີ່ດິນຂະໜາດໃຫຍ່ ສຳລັບທຸລະກິດການກະເສດ. ໃນຂະນະທີ່ມີການເຮັດບົດຄົ້ນຄວ້າຕ່າງໆ ກ່ຽວກັບຜົນກະທົບທາງສັງຄົມ ແລະ ສິ່ງແວດລ້ອມຂອງການຍຶດຄອງທີ່ດິນ, ບົດບາດຂອງແຮງງານຫວຽດນາມໃນໄຮ່ຢາງພາລາຂອງຫວຽດນາມ ຍັງບໍ່ເຄີຍມີການສຶກສາຄົ້ນຄວ້າ. ໂດຍນຳໃຊ້ວິທີການນິເວດວິທະຍາທາງການເມືອງ, ພວກເຮົາດຳເນີນການຄົ້ນຄວ້າທີ່ເຊື່ອມຕໍ່ລະຫວ່າງການຄົ້ນຄວ້າກ່ຽວກັບການກວາດຊື້ທີ່ດິນ ແລະ ການເຮັດວຽກໃນພື້ນທີ່ ອອກແຮງງານ. ເງິນສ່ວນໃຫຍ່ທີ່ໄດ້ຈາກການອອກແຮງງານຂອງຄົນຫວຽດນາມໃນລາວ ແມ່ນຖືກນຳໃຊ້ເພື່ອຈຸດປະສົງທີ່ບໍ່ກ່ຽວກັບການກະສິກຳ, ໂດຍຈົງໃຈຄັດເລືອກເອົາບຸກຄົນ ທີ່ບໍ່ລົງທຶນໃນດ້ານກະສິກຳຢູ່ຫວຽດນາມ. ແຮງງານຫວຽດນາມໃນໄຮ່ຢູ່ລາວ ຍັງມີຜົນກະທົບທີ່ສຳຄັນຕໍ່ພື້ນທີ່ ທັງໃນລາວ ແລະ ຫວຽດນາມ, ທີ່ບໍ່ພຽງແຕ່ຜ່ານບັນທັດຖານ, ກົດລະບຽບທາງການ ແລະ ການປະຕິບັດຕົວຈິງໃນໄຮ່ຢາງພາລາ ຂອງແຮງງານຫວຽດນາມ ແລະ ການຄຸ້ມຄອງ, ແຕ່ຍັງຜ່ານການປ່ຽນແປງຂອງລະບອບແຮງງານໃນຫວຽດນາມ. ໃນລາວ ໜຶ່ງໃນຜົນໄດ້ມາທີ່ສຳຄັນທີ່ສຸດ ແມ່ນການສ້າງພື້ນທີ່ສະເພາະ ທີ່ບໍ່ຕ້ອນຮັບແຮງງານລາວ. ໂດຍສະເພາະ ບົດວິໄຈນີ້ ຊີ້ໃຫ້ເຫັນວ່າ ຄວາມສຳຄັນຂອງການເມືອງພື້ນທີ່ ແມ່ນມີຄວາມສຳຄັນຕໍ່ຄວາມເຂົ້າໃນກ່ຽວກັບລັກສະນະສະເພາະດ້ານພູມສາດແຮງງານ ທີ່ກ່ຽວຂ້ອງກັບໄຮ່ຢາງພາລາຫວຽດນາມໃນລາວ, ເນື່ອງຈາກສາຍສຳພັນທາງການເມືອງທີ່ໃກ້ຊິດ ລະຫວ່າງລາວ ແລະ ຫວຽດນາມ, ແລະ ຄວາມຈິງທີ່ວ່າບໍລິສັດ ແລະ ບັນດາຜູ້ບໍລິຫານຫວຽດນາມ ແມ່ນມີສ່ວນພົວພັນກ່ຽວຂ້ອງ.