ໃນຊຸມປີຜ່ານມາ ມີຂໍ້ຂັດແຍ່ງຫຼາຍຢ່າງໃນສາທາລະນະລັດ ປະຊາທິປະໄຕ ປະຊາຊົນລາວ (ສປປ ລາວ ຫຼື ລາວ) ກ່ຽວກັບການຕັດສິນໃຈຂອງລັດຖະບານ ໃນການໃຫ້ສຳປະທານທີ່ດິນ ໃນໄລຍະຍາວ ໃຫ້ແກ່ບໍລິສັດຕ່າງປະເທດ ສຳລັບການພັດທະນາຕົ້ນໄມ້ອຸດສາຫະກຳຂະໜາດໃຫຍ່, ໂດຍສະເພາະແມ່ນການປູກຢາງພາລາ, ກໍຄືພືດອຸດສາຫະກຳອື່ນໆ. ໂດຍສະເພາະແມ່ນ ກົດໝາຍວ່າດ້ວຍທີ່ດິນປີ 2003 ທີ່ໄດ້ຈັດຕັ້ງຂອບໂຄງສ້າງດ້ານກົດໝາຍເພື່ອການໃຫ້ສຳປະທານທີ່ດິນ ສຳລັບບໍລິສັດຕ່າງປະເທດ ບໍ່ເກີນ 10,000 ເຮັກຕາ, ເຖິງວ່າໃນບາງກໍລະນີ ກໍມີການໃຫ້ສຳປະທານພື້ນທີ່ຫຼາຍກວ່ານັ້ນ. ການຂະຫຍາຍຕົວຂອງການສຳປະທານພື້ນທີ່ຂະໜາດໃຫຍ່ໃນລາວ ມີຄວາມເຊື່ອມໂຍງຢ່າງໃກ້ຊິດກັບນະໂຍບາຍການຫັນທີ່ດິນໃຫ້ເປັນທຶນ ເຊິ່ງສ້າງຂຶ້ນເພື່ອລະດົມທຶນທີ່ຕ້ອງການຈາກທີ່ດິນ ແລະ ສົ່ງເສີມເສດຖະກິດໃນປະເທດ.