ຜົນກະທົບຈາກການສໍາປະທານທີ່ດິນຕໍ່ກັບວິຖີຊີວິດຂອງຜົນໃນຊົນນະບົດ ໃນພາກກາງຂອງປະເທດລາວ

ງານສຶກສານີ້ສະຫລຸບໃຈຄວາມສໍາຄັນໄວ້ວ່າ: ໜ່ວຍງານທີ່ຢູ່ທ້ອງຖິ່ນໃນຂັ້ນແຂວງ ແມ່ນມີການປະຕິບັດນະໂຍບາຍ ຫັນປ່ຽນທີ່ດິນເປັນທຶນ ທີ່ແຕກຕ່າງກັນໃນແຕ່ລະພື້ນທີ່ ໃນແຕ່ລະແຂວງ. ການໃຫ້ອະນຸມັດໃຫ້ ບໍລິສັດເອກະຊົນ ສໍາປະທານທີ່ດິນ ແມ່ນຍັງຂາດການສໍາຫຼວດຂໍ້ມູນພື້ນຖານທີ່ສໍາຄັນຢ່າງລະອຽດຂອງພື້ນທີ່ ເຊິ່ງເຮັດໃຫ້ສົ່ງຜົນກະທົບຕໍ່ການນໍາໃຊ້ຊັບພະຍາກອນທີ່ດິນ ແລະ ປ່າໄມ້ ຂອງປະຊາຊົນ ເນື່ອງຈາກບາງກໍລະນີ ການສໍາປະທານແມ່ນໄດ້ກວມເອົາເນື້ອທີ່ເຂດປ່າໄມ້ບ້ານ ເຊັ່ນ: ປ່າສະຫງວນບ້ານ ແລະ ປ່າປ້ອງກັນບ້ານ. ຍິ່ງໄປກວ່ານັ້ນ ຍັງມີບາງໂຄງການທີ່ໄດ້ຮັບການອະນຸມັດສໍາປະທານທີ່ດິນແລ້ວ ແຕ່ພັດ ບໍ່ມີການດໍາເນີນກິດຈະກໍາໃດໆ ໃນພື້ນທີ່ດິນທີ່ຕົນສໍາປະທານເລີຍ.