ຈົດໝາຍເຫດນະໂຍບາຍນີ້ ສະແດງພາບລວມການລົງທຶນດ້ານສາທາລະນະສຸກ ຂອງລັດຖະບານ ສາທາລະນະລັດ ປະຊາທິປະໄຕ ປະຊາຊົນລາວ, ໂດຍເນັ້ນໃສ່ເພີ່ມເຕີມ ດ້ານການລົງທຶນໃນສູນປິ່ນປົວສຸຂະພາບ. ຈົດໝາຍເຫດນີ້ ສັງລວມທ່າອ່ຽງໂດຍລວມຂອງຜົນຂອງວຽກງານສາທາລະນະສຸກ ແລະ ການລົງທຶນຂອງລັດຖະບານໃນຂະແໜງ ໃນຊ່ວງປີ 2000-2014 ແລະ ວິເຄາະທ່າອ່ຽງໃນຂໍ້ມູນການໃຊ້ຈ່າຍງົບປະມານດ້ານສາທາລະນະສຸກ ຂອງລັດຖະບານຕາມແຜນ ແລະ ຕົວຈິງ ເຊິ່ງກວມເອົາປີງົບປະມານ 2000/01 ເຖິງ 2013/14 ແລະ ການໃຊ້ຈ່າຍຕາມແຜນ ສຳລັບປີງົບປະມານ 2014/15, ເຊິ່ງເປັນການປັບປຸງການປະເມີນທີ່ດຳເນີນໃນປີ 2012. ນອກຈາກນັ້ນ ຈົດໝາຍເຫດນີ້ ຍັງສະຫຼຸບຜົນ ຈາກການເກັບກຳຂໍ້ມູນ ການລົງທຶນໃນສູນປິ່ນປົວສຸຂະພາບ ເຊິ່ງເປັນສ່ວນໜຶ່ງຂອງການສຳຫຼວດສິ່ງອຳນວຍຄວາມສະດວກ UFGE-CNP ເຊິ່ງເກັບກຳຂໍ້ມູນ ຈາກຕົວຢ່າງຕົວແທນສູນປິ່ນປົວສຸຂະພາບ 120 ແຫ່ງໃນປີ 2013-14. ໝາຍເຫດນະໂຍບາຍນີ້ ແມ່ນໜຶ່ງໃນຊຸດຂໍ້ມູນ ເພື່ອເຜີຍແຜ່ຜົນຂອງໂຄງການວິເຄາະ ແລະ ໃຫ້ຄຳປຶກສາ ຂອງທະນານຄານໂລກ ສຳລັບຂະແໜງສາທາລະນະສຸກໃນ ສປປ ລາວ.