ໃນຊ່ວງສອງທົດສະວັດທີ່ຜ່ານມາ, ເຄືອຂ່າຍຂອງນັກເຄື່ອນໄຫວທີ່ປະສານກັນຢ່າງກວ້າງຂວາງທັງໃນ ສປປ ລາວ ແລະ ຕ່າງປະເທດ ຊ່ວຍໃຫ້ມີການແຊກແຊງທາງດ້ານນະໂຍບາຍ ເພື່ອສົ່ງເສີມ ການສ້າງຄວາມເຂັ້ມແຂງໃຫ້ແກ່ການຄອບຄອງທີ່ດິນຕາມປະເພນີ. ເປົ້າໝາຍດັ່ງກ່າວໄດ້ວາງຮາກຖານການຄຸ້ມຄອງທາງກົດໝາຍ ສຳລັບສິດທິຂອງຊຸມຊົນຊົນນະບດ ຕໍ່ກັບທີ່ດິນ-ປ່າສ່ວນລວມ ທີ່ກຳລັງແຜ່ຂະຫຍາຍ ເນື່ອງຈາກການຍຶດຄອງທີ່ດິນຂະໜາດໃຫຍ່. ການຮັບປະກັນສິດໃນການຄອບຄອງທີ່ດິນ ຄວນໄດ້ຮັບການສົ່ງເສີມ ຜ່ານຂະບວນການສົ່ງເສີມການມີສ່ວນຮ່ວມຂອງປະຊາຊົນ ໃນການວາງແຜນການນຳໃຊ້ທີ່ດິນ, ລວມທັງການພັດທະນາຂະບວນການທາງກົດໝາຍ, ໂດຍມີເປົາໝາຍສູງສຸດ ໃນການຈົດທະບຽນ ແລະ ອອກໃບຕາດິນຊຸມຊົນ ຫຼືສ່ວນລວມໃຫ້ຫຼາຍທີ່ສຸດເທົ່າທີ່ຈະເປັນໄປໄດ້. ເຖິງຈະມີການລິເລີ່ມແລ້ວກໍຕາມ ແຕ່ຄວາມຄືບໜ້າສູ່ເປົ້າໝາຍດັ່ງກ່າວ ຍັງບໍ່ທັນຕໍ່ເນື່ອງ.