ປະຫວັດສາດປະຊາກອນມະນຸດ ໃນພາກພື້ນອາຊີຕາເວັກອອກສຽງໃຕ້ແຜ່ນດິນໃຫຍ່ (MSEA) ຍັງບໍ່ມີການສຶກສາເທົ່າທີ່ຄວນ, ໂດຍສະເພາະການສຶກສາໂດຍອີງໃສ່ລຳດັບເຫດການ ກ່ຽວກັບຄວາມຫຼາກຫຼາຍໃນອັດຕາສ່ວນຂອງຜູ້ຊາຍຕາມສີໂສມ Y (MSY) ຍັງມີໜ້ອຍ. ໃນທີ່ນີ້ ພວກເຮົາອະທິບາຍລຳດັບ MSY ໃໝ່ຂອງ ~2.3 mB (ພັນຄູ່ສີໂສມ) ຈາກຜູ້ຊາຍ 914 ຄົນ ແລະ ສົມທົບຂໍ້ມູນທີ່ໄດ້ກັບຂໍ້ມູນໃນຄັ້ງກ່ອນ ສຳລັບລຳດັບ 928 MSY ທີ່ເປັນຂອງປະຊາກອນ 59 ຄົນຈາກໄທ ແລະ ລາວ ທີ່ປາກເວົ້າໂດຍໃຊ້ພາສາໃນສາມຕະກຸນ MSEA ຕົ້ນຕໍ່ຄື: ຕະກຸນພາສາ ອອສ໌ໂຕຼເອເຊຍຕິກ (AA), ໄຕ-ກະໄດ (TK) ແລະ ຈີນ-ທິເບດ (ST). ໃນຈຳນວນ 92 ກຸ່ມພັນທຸກຳ MSY, ສອງສາຍພົວພັນ MSY ຕົ້ນຕໍ (O1b1a1a (O-M95) ແລະ O2a (O-M324)) ປະກອບສ່ວນຢ່າງໃຫຍ່ຫຼວງ ຕໍ່ການສ້າງພັນທຸກຳທາງພໍ່ແມ່ຂອງໄທ ແລະ ລາວ. ພວກເຮົາຍັງທຳການວິເຄາະລຳດັບພັນທຸກຳ mtDNA ທີ່ສົມບູນ ທີີ່ມີການເຜີຍແຜ່ໃນຄັ້ງກ່ອນ ຈາກກຸ່ມດຽວກັນ, ແລະ ຄົນພົບຮູບແບບທີ່ຂັດແຍ່ງກັນຂອງຄວາມຫຼາກຫຼາຍທາງພັນທຸກຳຊາຍ ແລະ ຍິງ ແລະ ການຂະຫຍາຍຕົວຂອງປະຊາກອນ ໂດຍສະເພາະແມ່ນຊົນເຜົ່າພູດອຍຄື ເຜົ່າມອນ ແລະ ກຸ່ມຄົນໄທສ່ວນໃຫຍ່ບາງຈຳນວນ. ໂດຍສະເພາະ ພວກເຮົາຄົ້ນພົບຜົນກະທົບຂອງຮູບແບບທີ່ຢູ່ອາໄສຫຼັງການແຕ່ງງານ ຕໍ່ກັບຄວາມຫຼາຍຫຼາຍທາງພັນທຸກຳ ໃນກຸ່ມທີ່ຢູ່ອາໄສກັບຝ່າຍຊາຍ ທຽບກັບກຸ່ມທີ່ຢູ່ອາໄສກັບຝ່າຍຍິງ. ນອນຈາກນີ້, ຍັງມີການສັງເກດ ການຂະຫຍາຍຕົວຂອງປະຊາກອນຊາຍ ແລະ ຍິງ ໃນລະຫວ່າງຕົ້ນຍຸກຫີນເກົ່າ (~10 ພັນປີກ່ອນ), ພ້ອມທັງການຂະຫຍາຍຕົວສະເພາະຝ່າຍຊາຍສ່ວນໃຫຍ່ ສອງຊ່ວງຕໍ່ມາຄືຍຸກຫີນໃໝ່ (~4-5 ພັນປີກ່ອນ) ແລະ ຍຸກທອງ/ຍຸກເຫຼັກ (~2.0-2.5 ພັນປີກ່ອນ). ການຂະຫຍາຍຕົວຂອງສອງກຸ່ມດັ່ງກ່າວ ແມ່ນກຳນົດລັກສະນະຂອງກຸ່ມ AA ແລະ TK ສະໄໝໃໝ່ ຕາມລຳດັບ ທີ່ສອດຄ່ອງກັບການຄົ້ນຄວ້າກ່ຽວກັບ DNA ບູຮານທີ່ຜ່ານມາ. ພວກເຮົາຈຳລອງຂໍ້ມູນ MSY ໂດຍອີງໃສ່ສາມຕົວແບບປະຊາກອນ (ການຍ້ານຖິ່ນຖານຢ່າງຕໍ່ເນື່ອງ, ການລວມເຂົ້າກັນຂອງປະຊາກອນ ແລະ ການລວມເຂົ້າກັນທາງວັດທະນະທຳ) ຂອງກຸ່ມຄົນໄທສ່ວນໃຫຍ່ ແລະ ຄົ້ນພົບຂໍ້ສະຫຼຸບທີ່ແຕກຕ່າງ ຈາກແບບຈຳລອງ mtDNA, ພາຍໃຕ້ຫຼັກຖານການສົມທຽບປະຫວັດທາງພັນທຸກຳຂອງຊາຍ ແລະ ຍິງ.