ເປັນເວລາສາມປີ ນັບແຕ່ການຫາລືໃນເບື້ອງຕົ້ນກ່ຽວກັບການນຳໃຊ້ ICT ສຳລັບລະບົບຄຸ້ມຄອງຂໍ້ມູນຂ່າວສານດ້ານສາທາລະນະສຸກຂອງລາວ (HMIS) ແລະ ການເລີ່ມຕົ້ນ ຂະບວນການປະຕິຮູບ ຂະແໜງສາທາລະນະສຸກຂອງລາວ, DHIS2 ໄດ້ກາຍເປັນລະບົບລາຍງານຂໍ້ມູນຂ່າວສານດ້ານສຸຂະພາບແຫ່ງຊາດຢ່າງເປັນທາງການສຳລັບ HMIS ເຊິ່ງລວມມີ ແຜນງານສຸຂະພາບຕົ້ນຕໍ ເຊັ່ນ MNCH, ວັນນະໂລກ, ໄຂ້ປ່າ ແລະ HIV. ປະຈຸບັນລະບົບດັ່ງກ່າວ ເປັນບ່ອນເກັບຮັກສາຂໍ້ມູນ ເຊິ່ງເກັບກຳ ແລະ ຄຸ້ມຄອງຂໍ້ມູນຕາມປົກກະຕິ ຈາກສູນບໍລິການສາທາລະນະສຸກທັງໝົດ ໃນທົ່ວປະເທດ ແລະ ເປັນການດານຂ່າວເພື່ອການເຜີຍແຜ່ ແລະ ນຳໃຊ້ຂໍ້ມູນຂ່າວສານ. ລະບົບດັ່ງກ່າວສາມາດສະໜອງບົດລາຍງານໂຄງການ, ບົດລາຍງານລະບົບສາທາລະນະສຸກແຫ່ງຊາດ, ບົດລາຍງານສະຖິຕິ ກໍຄືບົດລາຍງານອື່ນໆ ເພື່ອຈຸດປະສົງໃນການຕິດຕາມສຳລັບກະຊວງສາທາລະນະສຸກ ແລະ ລັດຖະບານລາວ (ວຽກງານ SDGs; UHC). ບົດລາຍງານສະບັບນີ້ ອະທິບາຍກ່ຽວກັບຂະບວນການພັດທະນາ HIS ໃນ ສປປ ລາວ ແຕ່ປີ 2013 ເຖິງ ເດືອນທັນວາປີ 2016. ການຂ້າມຜ່ານສິ່ງທ້າທາຍທາງດ້ານ ຄວາມສາມາດຂອງຊັບພະຍາກອນມະນຸດ ແລະ ຂໍ້ຈຳກັດກ່ຽວກັບພື້ນຖານໂຄງລ່າງ; ການສ້າງຄວາມເຂັ້ມແຂງໃຫ້ແກ່ການນຳໃຊ້ຂໍ້ມູນຂ່າວສານດ້ານສຸຂະພາບ ໂດຍສະເພາະ ສຳລັບການວາງແຜນ ແລະ ການຕັດສິນໃຈ ແມ່ນເປັນ ແລະ ຈະເປັນສິ່ງທີ່ສຳຄັນ ສຳລັບການສ້າງຄວາມເຂັ້ມແຂງ ແລະ ຄວາມຍືນຍົງຂອງ HIS ພາຍໃຕ້ລະບົບ DHIS2 ໃຫ້ໃກ້ຄຽງ ກັບສະພາບແວດລ້ອມ ໃນບັນດາປະເທດກຳລັງພັດທະນາ.