ບົດລາຍງານສະບັບນີ້ ສະແດງຂໍ້ມູນກ່ຽວກັບການເກັບກູ້ ລບຕ ໃນລາວ. ໃນປີ 2016 ການວິເຄາະຂໍ້ມູນໃນຖານຂໍ້ມູນຂອງ ລະບົບຄຸ້ມຄອງຂໍ້ມູນຂ່າວສານສຳລັບວຽກງານເກັບກູ້ລະເບີດ (IMSMA) ສະແດງໃຫ້ເຫັນວ່າຍັງມີຂໍ້ຜິດພາດຫຼາຍຢ່າງ ໃນການດຳເນີນການກວດກາຂໍ້ມູນສ່ວນໃຫຍ່ ເຊິ່ງເຮັດໃຫ້ການຈັດຕັ້ງປະຕິບັດການສຳຫຼວດພື້ນຖານດ້ານຜົນກະທົບ ມີຄວາມຊັກຊ້າ. ຂະບວນການ ແລະ ມາດຕະຖານໃນການສຳຫຼວດ ໄດ້ມີການຫາລືຢ່າງກວ້າງຂວງລະຫວ່າງຄະນະກຳມະການຄຸ້ມຄອງແຫ່ງຊາດວ່າດ້ວຍວຽກງານການເກັບກູ້ລະເບີດ ແລະ ບັນດາໜ່ວຍງານເກັບກູ້ລະເບີດ ໃນປີ 2016, ແຕ່ກໍ່ຍັງບໍ່ມີຂໍ້ສະຫຼຸບທີ່ຈະແຈ້ງ. ການປະສານງານໃນການສຳຫຼວດ ແລະ ເກັບກູ້ລະເບີດ ຮຽກຮ້ອງໃຫ້ມີການສ້າງຄວາມເຂັ້ມແຂງ ໃນລະດັບແຂວງ ແລະ ລະຫວ່າງແຂວງ ແລະ ສູນກາງ.