ກຸ່ມທະນາຄານໂລກ ໄດ້ດຳເນີນການສຳພາດຕໍ່ໜ້າກັບຜູ້ບໍລິຫານລະດັບສູງ ແລະ ເຈົ້າຂອງທຸລະກິດ ຈຳນວນ 368 ແຫ່ງໃນ ສປປ ລາວ ແຕ່ເດືອນມັງກອນ 2016 ເຖິງ ເດືອນມິຖຸນາ 2016. ຕົວຢ່າງການສຳຫຼວດທຸລະກິດ (ES) ແມ່ນຕາງໜ້າໃຫ້ແກ່ຂະແໜງເອກະຊົນທາງການຂອງ ສປປ ລາວ. ການສຳຫຼວດ ES ແມ່ນກວມເອົາຫຼາຍແງ່ມູມ ຂອງສະພາບແວດລ້ອມທຸລະກິດ ຄຽງຄູ່ກັບມາດຕະການໃນການດຳເນີນທຸລະກິດ.
ຂໍ້ສະຫຼຸບຕົ້ນຕໍຈາກການສຳຫຼວດ ມີຄື: ທຸລະກິດໃນ ສປປ ລາວ ແມ່ນຢູ່ຫຼ້າຫຼັງບັນດາປະເທດຄູ່ແຂ່ງ ໃນດ້ານຍອດຂາຍປະຈຳປີ ແລະ ການຂະຫຍາຍຕົວຂອງການຈ້າງງານ; ທຸລະກິດທີ່ກູ້ຢືມເງິນຈາກທະນາຄານ ແມ່ນໜ້ອຍກວ່າປີ 2012, ແຕ່ວ່າ ອັດຕາສ່ວນການລົງທຶນພາຍໃຕ້ທຶນກູ້ຢືມຈາກທະນາຄານ ມີລັກສະນະເພີ່ມຂຶ້ນ; ເມື່ອທຽບກັບປີ 2012 ບໍລິສັດລາວ ໃຊ້ເວລາໜ້ອຍລົງໃນການຂໍໃບອະນຸຍາດ ແລະ ປະຕິບັດຕາມລະບຽບການ; ທຸລະກິດໃນ ສປປ ລາວ ໃຫ້ການຝຶກອົບຮົມທາງການໜ້ອຍລົງ ທຽບກັບປີ 2012 ແລະ ປະເທດຄູ່ແຂ່ງໃນພາກພື້ນ; ແລະ ບັນດາບໍລິສັດ ຖືວ່າຄູ່ແຂ່ງທີ່ບໍ່ເປັນທາງການ ເປັນອຸປະສັກທີ່ໃຫຍ່ທີ່ສຸດໃນດ້ານສະພາບແວດລ້ອມທຸລະກິດ.