ໃນເດືອນມິຖຸນາ 2018, ສຳນັກພິມຂອງມະຫາວິທະຍາໄລ Wisconsin ໄດ້ເຜີຍແຜ່ປື້ມເຫຼັ້ມໃໝ່ ກ່ຽວກັບໂຄງການໄຟຟ້ານ້ຳເທີນ 2 ໃນປະເທດລາວ. ຜົນການຄົ້ນຄວ້າຈາກປື້ມເຫຼັ້ມນີ້ ແມ່ນກ່ຽວຂ້ອງກັບບັນຫາຕ່າງໆກ່ຽວກັບ ຄວາມຍືນຍົງຂອງສິ່ງແວດລ້ອມ ແລະ ການອະນຸລັກຊີວະນາໆພັນ, ການຍ້າຍພູມລຳເນົາ ແລະ ການພັດທະນາສັງຄົມ, ຄວາມຮັບຜິດຊອບ ແລະ ການຄຸ້ມຄອງຈັດການ, ແນວທາງຂອງທະນາຄານໂລກໃນການຫຼຸດຜ່ອນຄວາມທຸກຍາກ, ແລະ ຄວາມເໝາະສົມໂດຍລວມຂອງໂຄງການກໍ່ສ້າງພື້ນຖານໂຄງລ່າງຂະໜາດໃຫຍ່ ໂດຍສະເພາະຢູ່ໃນບັນດາປະເທດກຳລັງພັດທະນາ. ເອກະສານສະບັບນີ້ ນຳສະເໜີຂໍ້ສະຫຼຸບ ແລະ ຜົນການຄົ້ນຄວ້າຈາກປື້ມດັ່ງກ່າວ.