ກົດໝາຍວ່າດ້ວຍສັດປ່າ ແລະ ສັດນ້ຳ (2007)

ກົດໝາຍວ່າດ້ວຍສັດປ່າ ແລະ ສັດນ້ຳ ກຳນົດຫຼັກການ, ລະບຽບການ ແລະ ມາດຕະການກ່ຽວກັບສັດປ່າ ແລະ ສັດນ້ຳໃນທຳມະຊາດ ເພື່ອສົ່ງເສີມການຟື້ນຟູ ແລະ ນຳໃຊ້ສັດນ້ຳ ແລະ ສັດປ່າໃຫ້ມີຄວາມຍືນຍົງ, ໂດຍບໍ່ທຳລາຍຊັບພະຍາກອນທຳມະຊາດ ຫຼື ແຫຼ່ງອາໄສ ແລະ ເພື່ອຫຼຸດຜ່ອນຄວາມກົນດັນທີ່ເກີດຈາກມະນຸດ ຕໍ່ພັນສັດທີ່ຫາຍາກ ແລະ ການສູນພັນຂອງສັດນ້ຳ ແລະ ສັດປ່າ, ໂດຍການສົ່ງເສີມໃຫ້ປະຊາຊົນທົ່ວປະເທດ ເຂົ້າໃຈ ແລະ ຮັບຮູ້ເຖິງຄວາມສຳຄັນຂອງສັດ, ເພື່ອເພີ່ມທະວີຄວາມຮັກແພງ, ຖະໜອມ ແລະ ການເບິ່ງແຍງສັດ, ເພື່ອສົ່ງເສີມການຄຸ້ມຄອງ, ຕິດຕາມ, ອະນຸລັກ, ປົກປ້ອງ, ພັດທະນາ ແລະ ນຳໃຊ້ສັດນ້ຳ ສັດປ່າ ໃຫ້ມີຄວາມຍືນຍົງ, ເພື່ອຮັບປະກັນຄວາມອຸດົມສົມບູນ ຂອງລະບົບນິເວດທຳມະຊາດ ປະກອບສ່ວນໃນການຍົກລະດັບ ຊີວິດການເປັນຢູ່ຂອງປະຊາຊົນບັນດາເຜົ່າ, ເພື່ອເປົ້າໝາຍໃນການປົກປັກຮັກສາ ແລະ ສ້າງສາປະເທດຊາດ.