ຄູ່ມືພືດສະໝຸນໄພ

ເພື່ອແກ້ໄຂບັນຫາທາງດ້ານສຸຂະພາບ ແລະ ຊີວິດການເປັນຢູ່ ສະນັ້ນ ປະຊາຊົນຈຶ່ງອີງໃສ່ທໍາມະຊາດເປັນ ຫຼັກ ໂດຍມີການສືບທອດແຕ່ບັນພະບູລຸດເຖິງເຊັ່ນລູກຫຼານ. ລາວເຮົາຍັງມີຫຼາຍຊົນເຜົ່າທີ່ມີວັດທະນາທໍາໃນການ ນໍາໃຊ້ພືດທີ່ແຕກຕ່າງກັນ ບາງຊົນເຜົ່າຍັງໃຊ້ເຂົ້າໃນທາງສາສະຫນາຕາມຄວາມເຊື່ອຖືຈາກບັນພະບູລຸດ ໂດຍ ໄດ້ມີ ການນໍາໃຊ້ເປັນປະຈໍາເຊັ່ນ: ນ້ໍາຫມາກພ້າວໃຊ້ສໍາລັບລ້າງຫນ້າຄົນທີ່ລ່ວງລັບໄປແລ້ວເພື່ອລ້າງບາບກໍາ, ດອກບົວ ໃຊ້ສໍາລັບ ສັກກະລະບູຊາພຣະເຈົ້າ, ດອກດາວເຮືອງເຮັດພວງມະໄລ ເພື່ອໃຫ້ມີຄວາມຈະເລີນ ຮຸ່ງເຮືອງ. ພືດເປັນຢາບາງຊະນິດໄດ້ມີການເຮັດເປັນຜະລິດຕະພັນຢາເຊັ່ນ: ເຄືອແຫມ ໄດ້ເຮັດອອກເປັນ ຜະລິດຕະພັນຫຼາຍຊະນິດເພື່ອປິ່ນປົວພະຍາດເບົາຫວານ, ລົດໄຂມັນໃນເສັ້ນເລືອດ ແລະ ລົດນ້ໍາຕານ. ພືດບາງຊະນິດນອກຈາກຈະນໍາໃຊ້ເປັນຢາແລ້ວຍັງນໍາໃຊ້ເປັນອາຫານອີກເຊັ່ນ: ຫມາກດິດ, ຫມາກເຜັດ, ຫມາກຫຸ່