ຄວາມຫຼາກຫຼາຍທາງດ້ານຊີວະນາໆພັນຂອງເຫັດທໍາມະຊາດ - ສາມາດກິນໄດ້, ຄວາມຮູ້ກ່ຽວກັບຢາພື້ນເມືອງຂອງທ້ອງຖິ່ນ ແລະ ການນໍາໃຊ້

ເນື່ອງຈາກສ ປ ປ ລາວແມ່ນມີຄວາມອຸດົມສົມບູນດ້ານພູມສັນຖານ ແລະ ຊີວະນາໆພັນ, ເຫັດປ່າແມ່ນເປັນສິ່ງທີ່ມີຄວາມສຳຄັນຕໍ່ກັບການບໍລິໂພກເຊັ່ນດຽວກັນກັບການຫັນມາເປັນສິນຄ້າ. ປະຊາຊົນທ້ອງຖິ່ນບາງສ່ວນແມ່ນມີຄວາມຮູ້ກ່ຽວກັບຄຸນປະໂຫຍດຂອງເຫັດປ່າວ່າມີສານອາຫານທີ່ສຳຄັນ ແລະ ສາມາດນຳໃຊ້ເປັນຢາອີກດ້ວຍ ແຕ່ກໍຍັງມີຄົນຈຳຫຼາຍທີ່ບໍ່ທັນເຂົ້າໃຈເຖິງຄຸ່ນຄ່າຂອງເຫັດ ແລະ ວິທີການນຳໃຊ້. ນອກນັ້ນຍັງມີເຫັດປ່າຈຳນວນໜຶ່ງທີ່ມີພິດອັນຕະລາຍເຖິງຊີວິດຖ້າຫາກວ່າມີການບໍລິໂພກແບບບໍ່ຖືກວິທີ ຫຼື ບໍ່ສາມາດບໍລິໂພກໄດ້ເລີຍ.