ບົດທົບທວນສະບັບນີ້ ອະທິບາຍເຈັດຂັ້ນຕອນທີ່ມີອິດທິພົນຕໍ່ເນື້ອໃນ ແລະ ເປັນຕົວກຳນົດສິດໃນການຄອບຄອງນຳໃຊ້ທີ່ດິນ ແລະ ປ່າໄມ້ໃນລາວໃນປະຈຸບັນ. ເຊິ່ງລວມມີ 1. ການຄຸ້ມຄອງປ່າໄມ້ໃນລະດັບມະຫາພາກ, 2. ການຈັດເຂດໃນລະດັບບ້ານ ແລະ ການວາງແຜນການນຳໃຊ້ທີ່ດິນ, 3. ການລົງທຶນ ແລະ ພື້ນຖານໂຄງລ່າງຂະໜາດໃຫຍ່, 4. ການອອກໃບຕາດິນສ່ວນບຸນຄົນ, 5. ການປູກພືດຂະໜາດນ້ອຍເພື່ອສ້າງລາຍໄດ້ ແລະ ການເຮັດກະເສດແບບມີຂໍ້ສັນຍາ, 6. ການຄຸ້ມຄອງປ່າໄມ້ແບບຫັນສູ່ຊຸມຊົນ ແຕ່ບໍ່ສະເພາະເຈາະຈົງສຳລັບ REDD+, ແລະ 7. ການອອກໃບຕາດິນຊຸມຊົນ ແລະ ຮູບແບບການຮັບຮູ້ສິດການຄອບຄອງນຳໃຊ້ອື່ນໆ. ສະຫຼຸບແລ້ວ, ເອກະສານສະບັບນີ້ ແມ່ນເພື່ອສ້າງພື້ນຖານທົ່ວໄປ ສຳລັບການປຶກສາຫາລືພາຍໃນຂະແໜງການທີ່ດິນ ແລະ ປ່າໄມ້. ເປົ້າໝາຍໃນນີ້ ກໍເພື່ອສ້າງພື້ນຖານເຄິ່ງກາງລະຫວ່າງ ລາຍລະອຽດທີ່ງ່າຍດາຍຂອງ ຄວາມໝັ້ນຄົງດ້ານການຄອບຄອງນຳໃຊ້ ເຊັ່ນ ເອກະສານທີ່ອີງໃສ່ພຽງແຕ່ສະຖານະທາງການ ແລະ ການຮັບຮູ້ທີ່ກວ້າງຂວາງແຕ່ຫຍຸ້ງຍາກໃນການນຳໃຊ້ ທີ່ຍັງຄົງສັບສົນ.